ភ្នំពេញ៖ សាធារណជនទាំងអស់អាចប្រើប្រាស់ម៉ាស៊ីនបកប្រែ TranslateKh ជំនាន់ទី១ នៅលើវេប និង TranslateKH_bot នៅលើតេឡេក្រាម ដែលជាជំនួយការឆ្លាត មានលទ្ធភាពអាចបកប្រែពាក្យ ឃ្លាប្រយោគ ឬអត្ថបទពីភាសាខ្មែរទៅភាសាអង់គ្លេស និងពីភាសាអង់គ្លេសមក ភាសាខ្មែរវិញប្រកបដោយភាពត្រឹមត្រូវខ្ពស់។ នេះបើតាមការប្រកាសជាផ្លូវការបស់ក្រសួងប្រៃសណីយ៍និងទូរគមនាគមន៍ ឱ្យសាធារណជនសាកល្បងប្រើប្រាស់ កាលពីថ្ងៃទី៣០ ខែសីហា ឆ្នាំ២០២៤កន្លងទៅថ្មីៗនេះ។

សាធារណជនទាំងអស់ទាំងអស់ អាចចូលទៅប្រើប្រាស់កម្មវិធីម៉ាស៊ីនបកប្រែ TranslateKh នៅលើវេប និងTranslateKH_bot នៅលើតេឡេក្រាម តាមរយៈតំណរ https://t.me/TranslateKH_bot​ ចាប់ពីពេលនេះតទៅ និងចូលរួមផ្តល់មតិយោបល់ដល់ក្រុមការងារអំពីប្រសិទ្ធភាពនៃការប្រើប្រាស់ កម្មវិធីបកប្រែនេះដើម្បីជាធាតុចូលសម្រាប់ក្រុមការងារបច្ចេកទេសធ្វើការកែលម្អកម្មវិធីនេះឱ្យកាន់តែប្រសើរឡើងថែមទៀត មុននឹងដាក់ជូនសាធារណជនប្រើប្រាស់ឱ្យបានទូលំទូលាយ៕